香港賽馬 | 可愛寵物網

香港賽馬由開埠以嚟都係業餘，由好鍾意騎馬嘅人做騎師。...1990年代後期，面對經濟衰退、非法外圍投注、同埋澳門賽馬投注等等嘅問題，投注額每況愈下。

賽馬喺香港歷史悠久，係香港最受歡迎嘅運動之一，香港人又會叫跑馬。

賽馬喺香港好多時俾人同賭扣埋一齊。阿爸阿媽見到仔女揭開張馬經，慌死學壞，大鬧「做乜學人賭馬！」。於是賽馬晌香港某啲人心目中極之唔好，甚至將賽馬同賭劃成等號。咁嘅賽馬文化晌世界都算得首屈一指兼夾寥寥無幾。

香港嘅賽馬由香港賽馬會搞同管，負責整個香港賽馬事業嘅運作。除咗香港賽馬會搞嘅賽馬博彩，其他博彩渠道都係犯法。

早喺香港成為英國殖民地初期，英國人已經將賽馬帶嚟香港，喺當時叫黃泥涌谷嘅跑馬地搞賽馬。最早嘅賽馬喺1844年。照記載，1850年代已經有唔同錦標賽事。1873年有第一次香港打吡大賽，1884年香港賽馬會成立，管理香港賽馬，喺快活谷馬場跑道側邊起咗嗰好廢嘅看台。早期賽馬每年一次，每次幾日，叫周年大賽。有份玩嘅馬主同馬迷多數都係英國人同其他鬼佬，包括啲官同洋行職員等。華人參與成份幾乎係無。

1918年2月26號，快活谷馬場跑周年大賽嗰陣發生火災。件事好大鑊，死咗超過500人。由於當時個看台只用竹搭，加上場地狹窄，環境擠迫，所以死傷慘重。

日治時期，賽馬並無因打仗而收檔。日本人繼續馬照跑，乘機搵油水，消磨市民心智。後尾唔夠真馬重搞到跑木馬。

二次大戰後嘅香港，唔理鬼佬定華人都覺得賽馬越嚟越過癮。1960年代，一到跑馬日子，快活谷馬場都人頭湧湧。馬會開始諗吓喺新界沙田起多個馬場。

香港賽馬由開埠以嚟都係業餘，由好鍾意騎馬嘅人做騎師。隨住賽馬運動發展，業餘騎師制度開始唔夠使，於是喺1971年正式行職業化，搵外國專業騎師嚟香港騎，又開埋見習騎師訓練班，訓練本地全職騎師。第一屆畢業嘅見習生有曾經出去幫世界大馬主...