李爾晨 | 可愛寵物網

李爾晨（英文：KyleLee，1992年7月4號—），原名李嘉豪，係香港男演員同模特兒，2016年國際先生香港代表，2019年底加盟邵氏兄弟。

李爾晨（英文：Kyle Lee，1992年7月4號—），原名李嘉豪，係香港男演員同模特兒，2016年國際先生香港代表，2019年底加盟邵氏兄弟。

李爾晨大學就讀香港理工大學，參選過「2012 FACE UStar校花校草」入圍最後五強，亦係香港男子甲一排球員以及2016年國際先生香港代表。

2016年為自己球隊奪得球會（仁濟）史上首個香港頂級聯賽－甲一排球聯賽冠軍以及首個全港公開馬拉松排球賽冠軍，更於2017年衛冕。喺「2017亞洲球會盃」幫球會奪得亞洲排名13，成為史上排名最高嘅香港球隊。

2019年加入邵氏兄弟國際影業有限公司，同年拍攝邵氏x優酷劇集《非凡三俠》飾演殺手，同黃宗澤、張智霖、周秀娜作對手戲。

2020年完成ViuTV劇集《男排女將》。亦拍過ViuTV劇集《瑪嘉烈與大衛「前度」特別篇》、《身後事務所》、《婚內情》同《娛樂風雲》，以及係舞台劇《金星撞火星》同電影《微交少女》。

李爾晨曾經同澳門小姐麥嘉欣拍拖，2019年底分手。

2020年8月成為無綫藝員。