周勵淇 | 可愛寵物網

周勵淇（英文：NikiChow，原名周麗琪，1979年8月30號—），用過藝名周麗淇，係香港電影同埋電視嘅演員，都有做歌手。鄉下喺上海，香港出世。周勵淇識講 ...

周勵淇（英文：Niki Chow，原名周麗琪，1979年8月30號—），用過藝名周麗淇，係香港電影同埋電視嘅演員，都有做歌手。鄉下喺上海，香港出世。周勵淇識講廣東話、普通話、英文、日文同埋上海話，擅長中國舞。中學係讀香港天主教鳴遠中學，中五理科畢業。

周勵淇係模特兒周汶錡個妹，本身都係模特兒，2001年俾馬偉豪簽咗之後轉型為演員，拍咗多套網劇、電影，2002年憑《玉女添丁》獲得香港電影金像獎最佳新人獎提名。2005年簽約BMA同推出唱片，成為歌、影、視三棲藝人，佢嘅曲風以情歌為主。

周勵淇得到無綫電視王心慰嘅賞識，喺2003年開始接拍電視劇，首部作品《翡翠戀曲》俾觀眾記住樂天派Ceci，2005年《秀才遇著兵》嘅「拾義妹」，創下最高42點嘅收視。2006年《天幕下的戀人》更將周勵淇嘅人氣推高。2008年有《最美麗的第七天》推出，2009年同鄭少秋、鄧健泓等演員合作《桌球天王》。

2005年簽約唱片公司BMA，推出第1張大碟《Pure Niki》；2006年推出《The Child Woman》同《Nikikaka》專輯。2009年推出專輯《Redefine》。2010年推出《F.L.Y》。

周勵淇亦有寫書，處女作《周麗淇·女朋友手記》暢談戀愛經驗同美容扮靚秘方，2006年推出記事繪本《The Child Woman》。2007年再推出散文集《細味心事》。2009年，推出遊記《幸福》，講自己嘅日本東北之旅；因為銷量好，2010年再推出《珍惜》呢本書，介紹日本北海道。